– nunap iluani attaveqaatit naleqquttut
MPLS attaveqaataavoq, nunap iluani suliffeqarfiutinnik atasunngortitsinissamut, aammalu illoqarfiit nunaqarfiillu akornanni attaveqatigiinnissamut periarfissaq tutsuiginartoq ingerlatsinikkullu isumannaatsoq, aammali nunanut allanut attaveqaataasinnaasoq.
Sooq MPLS?
MPLS atorlugu illoqarfiit nunaqarfiillu akornanni sumiiffiit WAN (Wide Area Network) aqqutigalugu imminnut atasunngortinneqarsinnaapput, VPN aamma Internetimut kiffartuussinerit ilanngunneqarsinnaallutik.
MPLS-imik sullissinikkut attaveqaatit aalajangersimasut tutsuiginartut ingerlatsinikkullu isumannaatsut, 100 Mbit/s-it tikillugit sukkassuseqartut atorneqarsinnaapput.
MPLS-imut attaveqaatit ethernet-ikkut nalinginnaasutut ingerlanneqartarput. Taamaalilluni attaveqaatinut atortut, suliffeqarfimmi IT-mut aaqqiissutissatut naleqqunnerpaat toqqarneqarnissaat periarfissinneqarpoq. Sullissineq aalajangersimasumik atuisuunerup saniatigut atuineq malillugu akiliisitsiviusarpoq.
Suliffeqarfiit sumiiffinnut assigiinngitsunut siammagaasimappat, aammalu suliffeqarfiup iluani attaveqaatit imminnut atasunngortinneqarnissaat pisariaqartinneqarpat, MPLS aqqutigalugu VPN atugassiaavoq pitsaasoq. MPLS VPN attaveqaatinut atugassiaavoq pisariitsoq isumannaatsorlu.
MPLS-imut attaveqaatit MPLS Internet Service-mut attavilerukku, suliffeqarfivit Internetimut attaveqarnerata tutsuiginartuunissaa qulakkiissavat – ulloq unnuarlu. Taamatut aaqqiissuteqarnikkut illit suleqatitillu ataatsimut attaveqassaasi, fil-inik oqimaatsunik nassitsinissamut tigusinissamullu – sukkasuumik isumannaatsumillu – periarfissinneqassallusi. Sukkassusissaa nammineerlutit aalajangissavat, suliffeqarfiullu allanngornissaa pisariaqartinneqassappat tamatigut annertunerusunngorlugu annikinnerusunngorluguluunniit iluarsisinnaassallugu.
Suliffeqarfinnut iluaqutissat
- Attaveqaat pisariitsoq isumannaatsorlu
- Nunap iluani attaveqaat tutsuiginartoq ingerlatsinikkullu isumannaatsoq
- Qarasaasiakkut attaveqarnermi salliutinneqarnissamut periarfissaq
- Internetimut qitiusumik attavilerneqarnissamut periarfissaq
- Attavimmik 100 Mbit/s-it tikillugit atuisinnaaneq
- IP-adresse aalajangersimasoq