Sianertunik nuussisarfik - Iserfik (VoIP)

Iserfik IP-telefoniuvoq, suliffeqarfinnut siunissamik qulakkeeriumallutik eqaatsumillu aaqqiiumallutik kissaateqartunut naleqquttoq, taannalu atortorpassuaqarpoq, illit suleqativillu sulinissinnut oqinnerulersitsisinnaasunik.

Aaqqiissutissaq ataatsimoortuuvoq, sianertunik nuussisarfimmi nutaaliaasumi pigineqartunik assigiinngitsorpassuarnik pisinnaasalik. Taassuma saniatigut ilassutissanik pisisoqarsinnaavoq, soorlu telefonikkut ataatsimiinnermut, sianertut tulleriit utaqqisarnerannut, nipilersukkanik utaqqinermi tusarnaagassanut, e-mail-ikkut akissuteqarsinnaanermut, Outlook-imut attaviliinermut aamma attaveqarfinnik telefonillu normuinik ilanngussinissamut il.il. atorneqartussanik.

Iserfiup iluaqutissartai:

• Suliffeqarfiup iluani akeqanngitsumik sianersinnaaneq (illoqarfimmi ataatsimi)
• Aserfallatsaaliuinermut aningaasartuutinik appaanissaq
• Hardware-nut / software-nut atortunik nammineq pigisassanik akisuunik pisinissap pinngitsoorneqarnissaa
• Sianertunik nuussisarfivinnik peqannginneq, taamaalillunilu nukissamik inissamillu sipaagaqarneq
• Tamatigut atortussanik nutaanerpaanik ikkusimasoqartarnissaa  

Siunissami ungasinnerusumi assersuutigalugu videokkut atortut atorlugit oqaloqatigiittoqarsinnaalissaaq, taamaalillutillu sullitatit, suleqatitit niuernikkullu suleqatitit oqaloqatigigaangakkit isigisinnaalissavatit. Mobiltelefoni sianertunik nuussisarfimmut ilaalissaaq, taannalu suliffeqarfinnut angalasartunik sulisulinnut iluaqutaassaaq.