Q: Mobilt bredbånd suua?
A: Mobilt bredbånd-eqaraanni mobilinut napparussuit nassitsissutaat aqqutigalugit internetimut attavinittoqarsinnaavoq. Tamanna ajornanngissimagaluarpoq nalunngeriigarput mobilinut attavik nalinginnaasoq atorlugu. 3G-li (mobilt bredbåndi) nalunngisatsinniit sukkanerujussuuvoq, aammalu periarfissanik allanik periarfissiilluni, soorlu video-kkut sianersinnaaneq. Mobilt bredbånd taamaalilluni sukkanerusumik attaviuvoq mobilinut attaveqaat aqqutigalugu.
Q: Sumi atorneqarsinnaava?
A: Mobilt Bredbånd-ip atorsinnaaffia uani takusinnavat.
Q: Mobilinnut attaveqarnera nalinginnaasoq atorlugu 3G-qarsinnaavunga?
A: Aap, taamaaliorsinnaavutit. Kisianni paasissutissanut atuinermut akit assiginavianngilaat mobilt bredbånd-imik atuinermut akit. Manna tikillugu TUSASS-ikkoorlugu imaluunniit GSM-imikkoorlugu paasissutissanut attaveqarneq mb-mut ataatsimut 10 kr.-neqarpoq. Aamma sukkassuserineqarpoq taamaallaat 1 mbps.
Q: Mobilt bredbånd-innik attavinissinnaanngilanga. Qanoq iliussaanga?
A: Sim-kortia iluamik ikkusimanersoq takuuk misileqqillugulu. Aamma misissorneqassaaq USB-modemi ajunngitsumik ikkusimanersoq aammalu programmissaa eqqortumik ikkussuunneqarsimanersoq. Suli attavinissinnaanngikkaanni, iluarsineqartussat eqqortumik suliarineqarsimanersut misissorneqassapput. Iluarsisassat uani takuneqarsinnaapput:
Mobilt Bredbånd-ip atorsinnaanngornissaanut piareersarnera
Suli attavininngiinnarpat najukkanni TELE-POST Centeri ikioqqullutit attavigiuk imaluunniit 808080-imut sianerit.
Q: USB-modem-i pisinermi ilaasoq atornagu mobilt bredbånd atorneqarsinnaava?
A: Aap. Qarasaasiat simkort-imik atuaasinnaareersuusimappat taanna atorsinnaavat, UMTS900-mik atuisinnaasimappat. Nammineq USB-modem-eqarsimaguit taanna aamma atorsinnaavat – taanna aamma UMTS900-mik atuisinnaasimappat.
Q: Mobilera/qarasaasiara angallattagaq 3G-mik atuisinnaava?
A: Mobilinnik sanaartortup nittartagaani takusinnaavat mobiltelefoni UMTS900-mik atuisinnaanersoq. Nittartakkamut isissaatit mobilivit assinga iserfigalugu, teknikkimullu tunngasortai qimerloorlugit. Aamma mobilit TELE-POST Centerini pisiarineqartut nipitittakkamik ilisarnaasigaasarput 3G-mut piareeriigaasimagaangamik.
Qarasaasianni angallattakkami imaassinnaavoq atorsinnaanngitsoq, naak qarasaasiat simkort-imik atuaasinnaareerniartoq. Tamanna soorlu mobilimi taamaaliortutit, nioqquteqartup nittartagaani misissorsinnaavat. Taamaakkaluartoq tamatigut tassani takuneqarsinnaasassanngilaq, takusinnaanngikkaannilu nioqquteqartumut saaffiginninnissaq inassutiginarpoq, imaluunniit nioqquteqartup oqaloqatiginissaata tungaanut USB-modem atorallaqquneqarpoq.
Q: Interneti sukkassusissatut neriorsuutigineqartumiit sooq sukkaannerua?
A: 3G-p napparussuinut naleqqiullutit inissisimanerit aammalu iikkat assigiinngitsut, 3G-p attavianut sunniuteqartarput. Tamakku pissutaasinnaapput tamatigut tamakkiisumik attaveqarsinnaannginnernut. Aammattaaq attaveqaammik atuisut ataatsikkut amerlasimagaangata tamanna malunnarsinnaassaaq. Mobilt Bredbånd-imi sukkassutsit neriorsuutigineqartut tassaapput sukkassusissaq taaneqartoq angullugu sukkassusiusussat.
Q: Mobilinni video atorlugu sianersinnaaneq sooq atorsinnaanngilara?
A: Mobilit tamarmik UMTS900-qanngillat, UMTS900-milli atuisinnaagaluaruniluunniit imaanngilaq video atorlugu sianersinnaassasoq.
Q: Video aqqutigalugu sianernera sooq akinngila?
A: Sianerfigisavit mobilia video atorlugu sianerfiusinnaanngilaq. Tassani toqqaanissamik nalunaarummi ersissaaq oqalunneq atorlugu sianernerit ingerlateqqikkumanerit.