GSM-imik atuisutut mobilit nunani allani atorsinnaavat. TUSASS Kalaallit Nunaanniinnaq atorsinnaavoq.
Piareersimaffigereeruk!
Nunami allamiitilluni mobilip atornera akisusarpoq. TELE-p inassutigaa mobilivit nunami allamiitillutit atunnginnerani sullissisut sorliit akikinnerunerat paasiniaqqaaqqullugu. Eqqaamajuk, nunami allamiitillutit mobilinnut sianerfigineqaruit SMS-erfigineqarlutilluunniit, aamma tamanna illit akileeqataaffigisinnaasarakku.
Eqqaamallugu!
TELEmit NIPI atorsinnaanngortissimagukku eqqaamassavat nunamut allamut mobilit nassarsimagukku, taava nunami allamiitillutit nunap tikeraakkavit attaveqaataanik atuinermut akiliissagavit oqaluussilluni nalunaarummik tigusaqarsimaguit. Allaat aamma mobilit qaminngagaluarpalluunniit. Tamanna pinngitsoorumagukku
TELE-mit NIPI attaviissavat.
GSM-telefoninnik nunami allami atuinerit
GSM telefonit nunamut allamut nassarukku, nunami allami tikeraakkanni attaveqaateqarnermik sullissisup attaviini atortorissaarutit nunatsinni atorneqartut asserluinnaat atorsimappata, mobilit atorsinnaavat.
Kalaallit Nunaanni atuisutut GSM telefonit nunamut allamut nassaraluarukkuluunniit normut allanngussanngilaq. Tassa Kalaallit Nunaanniinnittulli sianerfigineqassaatit.
Kalaallit GSM telefoniisa marluk, tamarmik nunami allamiittut, akornanni sianerniaruit toortassavatit + 299 kiisalu nunatsinni normut kisitsisai arfiniliusut.
Nunatsinni GSM-imik atuisutut nunami allamiitillutit Kalaallit Nunaannut sianerniaruit toortassavatit + 299 kiisalu nunatsinni normut kisitsisai arfiniliusut.
Nunami tikeraakkanniitillutit najukkanni normumut sianerniaruit normu toqqaannartumik toortassavat – nunap ilisarnaataa toortaqqaartariaqanngilaq.
Mobililik Kalaallit Nunaannut tikeraartoq
GSM-imik atuisut nunanit allaneersut mobilitik Kalaallit Nunaanni atorsinnaavaat, tikeraartup telefonileriffik attuumassuteqarfigisaa najukkap avataaniitilluni atuinermut TELE-mit isumaqatigiissuteqarfigineqarsimappat.